ओएमजीमा खुकुरी हान्ने मनाङ्गेलाई प्रहरीको संरक्षण

काठमाडौं । ठमेलमा सञ्चालित ओएमजी क्लबमा एक महिना पहिले खुकुरी प्रहार गर्ने सुशील गुरुङलगायत अन्य पाँच जनालाई प्रहरीले नै संरक्षण दिइरहेको सूचना प्राप्त भएको छ । सुशील गुरुङ मनाङ मस्र्याङदी फुटबल क्लबका अध्यक्ष जिमी गुरुङका छोरा हुन् । पीडितले लौनचौर प्रहरी बृत्तमा उजुरी दिएतापनि अहिलेसम्म उनी पक्राउ नपर्नु पछाडि बृत्तका केहि भ्रष्ट प्रहरीको मिलेमतो रहेको स्रातेले बतायो । स्रोतका अनुसार बृत्तका सईद्धय राजेन्द्र कटवाल र गंगा पाण्डे डीएसपी सिताराम रेग्मीको पालामा सम्पूर्ण अवैध कामबाट रकम असुल्ने गर्थे । जुवाघर, वेश्यालय, गुण्डा, मसाजलगायत अनगिन्ति ठाउँबाट रकम असुल्न उनीहरु खटिन्थे ।

उजुरीकर्ता नै नआएपछि ठमेलका गुण्डा बम छुटे

काठमाडौं । ठमेलका विभिन्न रेष्टुरेन्टमा बाउन्सरको रुपमा काम गर्ने तथा एमाले निकट मानिएका वकिल बमको गुण्डागिरी चरमचुलीमा पुगेको छ । दुई हप्ता पहिले आलिशान गजलका सञ्चालक विशाल तामाङमाथि कुटपिट गरेपछि गुण्डा बमविरुद्ध लौनचौर प्रहरी वृत्तमा उजुरी पर्‍यो ।
लौनचौर प्रहरीले बमलाई पक्राउ पनि गर्‍यो । तर बमका केहि हुक्केचम्चे प्रहरी र गुण्डाले विशाल तामाङलाई थर्काएपछि उनी नै प्रहरीकोमा उपस्थित भएनन् । पछि प्रहरीले पीडित नै नआएको भन्दै चार घण्टासम्म बमलाई हिरासतमा राखेर छाडिदियो । घटना एक हप्ता अगाडिको हो । ठमेलमा गुण्डागर्दी गर्ने तथा मान्छे पिट्ने कारण बेलाबेलामा चर्चामा आइरहने गुण्डा बमले यसअघि पनि फायर क्लबमा मान्छे पिटेका थिए । क्लबमा आउने धनी बाउकी छोरीलाई पट्याउने, रक्सीमा नशा हालेर खुवाउने र वेहोस बनेपछि होटलमा लगेर लुट्ने काममा समेत बम सक्रिय रहेको प्रहरीबाट बुझिएको छ ।

अनलाइन सपिङको नाममा यसरी हुन्छ ठगी

काठमाडौं । राजधानीमा च्याउ उम्रेसरी ‘अनलाईन सपिङ बजार’ लाई तत्काल करको दायरामा ल्याउन नसके राज्यलाई मासिक करोडौं रुपैयाँ घाटा हुने भएको छ । सहज इन्टरनेट सेवा र अत्याधुनिक स्मार्ट फोन बोक्ने युवा पुस्ताको बृद्धिसँगै अहिले राजधानीलगायत मुलुकको मुख्य–मुख्य शहरमा अनलाईन सपिङले राम्रो बजार लिएको छ । तर राजधानीमा रहेका अधिकांश अनलाईन सपिङले राज्यलाई कर, भ्याट वा कुनै पनि आम्दानीबापत शुल्क तिर्ने नगरेको प्रमाण फेला परेको छ । अनलाईन सपिङमार्फत नुनदेखि सुनसम्म खरिद हुने गरेको छ । तर अनलाईन सपिङ सञ्चालन गर्ने कम्पनीले सामान खरिद गर्दा उपभोक्तालाई विल वा भौचर माग नगरे नदिने र दिँदा कर वा भ्याटको विल त परैजाओस्, प्यान नम्बर समेत नभएका विल दिने गरेका छन् ।

माज्दा कारको कालो सिसाभित्र बसेर ‘दलाली’

काठमाडौं । बेतिथि र भ्रष्टाचारको दलदलमा फसेको नेपालमा हिजोआज सवैभन्दा राम्रो पेशा ‘दलाली’ सावित भएको छ । दलाल र दलालीका अनेक रुप हुन्छन्, दलाली गर्नेले कतिखेर कस्को नाम बेचेर कति कमाउँछन् ? त्यो कसैलाई थाहा हुन्न् । तिनै दलालले चाकडी गर्दै सामाजिक सञ्जालका भित्तामा ठूला ठूला मान्छेसँग आफ्नो परिचय भएको फोटो खिचाएर सार्वजनिक गर्छन् । सोहि फोटो देखाएर कुनैपनि काम आफूले गर्न सक्ने भन्दै सोझा सिधाबाट लाखौं असुल्न सफल हुन्छन् । त्यसमा पनि प्राय गरेर यस्ता खुरापातीको काम नेपाल प्रहरीमा बढि नै हुने गरेको छ ।
यसरी नै नेपाल प्रहरीको नाम बेच्दै हिरासतमा रहेका व्यक्तिलाई छुटाईदिन्छु भनि रकम ठगी गर्ने दुई जना दलाललाई लौनचौर प्रहरी बृत्तले केहि दिन पहिले पक्राउ गरी कारवाही प्रक्रिया अगाडि बढाएको छ ।

किन मच्चिए डीएसपी लोकेन्द्र ?

काठमाडौं । पटक–पटक विवादास्पद काम गर्दै आएका महानगरीय प्रहरी वृत्त कमलपोखरीका प्रमुख डीएसपी लोकेन्द्र श्रेष्ठ फेरि विवादमा मुछिन थालका छन् । डीएसपी श्रेष्ठले आफ्नो क्षेत्रमा रहेका रेष्टुरेन्ट, बार, डिस्को, क्लबलगायतलाई अनावश्यक दु:ख दिने नियतले निहुँ खोज्दै त्यहाँ कार्यरत कर्मचारीलाई पक्राउ गर्दै दु:ख दिइरहेको गुनासो थपिएको छ । सञ्चालक नभेटेपछि कर्मचारीलाई पक्राउ गर्ने, थुन्ने, बोलाउदा किन नआएको भन्दै ईगो साध्ने गरेको स्रोतको दावी छ । सर्वसाधारण जनताको जिऊ धनको सुरक्षा र शान्ति कायम गर्न खटिएका प्रहरी यतिखेर कताबाट कमाउन सकिन्छ भन्ने ध्याउन्नमा लागेको यो पहिलो घटना भने होइन् ।

गुण्डागर्दी गर्ने बमको कहाँबाट आयो धन ?

काठमाडौं । राजधानीको मुटु मानिने पर्यटकीय क्षेत्र ठमेल हत्याउने षड्यन्त्रमा दर्जनौं गुण्डा जन्मिए । ठमेललाई एकताका दिपक मनाङ्गेले एक क्षत्र राज गरे । सो राज तोड्न चक्रपथमा अर्का गुण्डा मिलन चक्रेको उदय भयो । सोही क्रममा दर्जनौं ग्याङवार पनि भए, कतिका हात काटिए, कतिका घर्दन । तर नेपाल प्रहरीको सक्रियतासँगै अहिले मनाङगे–चक्रे युगविलिन हुने क्रममा छ । सोही क्षेत्रको ब्यापार, ब्यवसाय हत्याउन नयाँ–नयाँ गुण्डाको उदय हुने क्रम जारी छ । ठमेलमा विभिन्न रेष्टुरेन्टमा बाउन्सरको रुपमा काम गर्ने तथा एमाले निकट मानिएका वकिल बमको अहिले गुण्डागिरी चर्किएको छ । कहिले फायर क्लबमा त कहिले आफ्नै क्लबमा मान्छे कुटेर विवादमा पर्दै आएका वकिल बमले एक्कासी करोडौं रुपैयाँ नयाँ एक क्लबमा लगानी गरेपछि ठमेलमा हलचल मच्चिएको हो ।

नेविसंघको अध्यक्ष बन्न होडबाजी

काठमाडौं । नेपाली काँग्रेसको १३ औं महाधिवेशनबाट शेरबहादुर देउवा पार्टीको सभापतिमा निर्वाचित भएसँगै भातृ संगठन हत्याउने खेल सुरुवात भएको छ । नवनिर्वाचित केन्द्रीय कार्यसमितिको पहिलो बैठकले ६ महिनाभित्र सम्पूर्ण भातृ संगठनहरुको अधिवेशन गर्ने निर्णय गरेसँगै यो खेल सुरु भएको हो । नेपाली काँग्रेसका सभापति देउवा निकट मानिएका विद्यार्थी नेताबीचमै यो हानथाप देखिएपछि विवाद कुटपिटमा परिणत भएको छ । यस्को पहिलो प्रभाव पुतलीसडकस्थित शंकरदेव क्याम्पसबाट देखा परेको हो । नेविसंघको अध्यक्ष दावी गर्दै आएका जीतजंग बस्नेत र नैनसिंह महरको समूहबीच कुटाकुट भएको हो । महरको क्याम्पमा रहेका शंकरदेव क्याम्पसका सुभराम बस्नेतले पहिला हात हालेका थिए । अहिले देउवाकै क्याम्पका विद्यार्थीभित्रै भिडन्तको स्थिति सृजना भएको हो ।

हुक्का–तमाखुमा प्रहरीले आँखा लगाएपछि.....

काठमाडौं । महानगरीय प्रहरी परिसरका एसएसपी विक्रमसिंह थापालाई सूचना पुग्यो कि पर्यटकीय क्षेत्र ठमेलस्थित रहेका अधिकांश बार, रेष्टुरेन्ट र क्लबमा हुक्का–तमाखु विक्री गर्ने नाममा लागूऔषध बेचिन्छ, हुक्कामै पनि लागूऔषध राखेर खुवाइन्छ । त्यसलगत्तै एसएसपी थापाले आफ्नो मातहतलाई नियन्त्रण गर्न कडा निर्देशन दिए । सोही निर्देशन पालना गर्ने क्रममा लौनचौर प्रहरी वृत्तका डीएसपी सोमेन्द्रसिंह राठौंरले ठमेलका विभिन्न रेष्टुरेन्टबाट हुक्का विक्री गर्नेलाई हुक्कासहित पक्राउ गरेका छन् । प्रहरीले सामान्य हुक्का समेत विक्री गर्न नपाउने सूचना जारी गरेको थियो । केहिदिन पहिले हुक्का विक्री गर्दै गरेका ठमेलस्थित रहेको बुद्ध बार, नगरकोट दोहरी साँझ र पहिलेको फुलमुन अर्थात अहिलेको (हार्डरक) रेष्टुरेन्टबाट हुक्का विक्री गर्नेलाई प्रहरीले पक्राउ गरेको हो ।

पदको मर्यादा घटाउँदै राष्ट्रपति भण्डारी

काठमाडौं । पूर्व राष्ट्रपति डा.रामबरण यादवको लागि उपलब्ध निवासको भाडा नतिर्ने सरकारले बर्तमान राष्ट्रपति विद्यादेवी भण्डारीको मनपरि खर्चलाई भने आँखा चिम्लेर सदर गर्दै आएको छ । राष्ट्रपति जस्तो गरिमामय पदमा बसेर पदको मर्यादा र गरिमा ख्याल नगर्दा मुलुकलाई आर्थिक भार मात्र नबढि सुरक्षा निकायमा समेत ठूलो असन्तुष्टि बढेको छ । राष्ट्रपति भण्डारीले पदको गरिमा र मर्यादा ख्यालै नगरी अति सामान्य भन्दा सामान्य कार्यक्रममा सरिक हुने गरेको तथ्य प्राप्त भएको छ । छिमेकी मुलुक वा अन्य देशका राष्ट्रपति जानै पर्ने विशिष्ट कार्यक्रम बाहेक सामान्य कार्यक्रममा कसैको सहभागिता हुने गरेको छैन् । तर प्राप्त तथ्य अनुसार राष्ट्रपति भण्डारी ३० दिनमा करिब २० दिन भन्दा बढि विभिन्न कार्यक्रममा बाहिर सरिक हुने गरेकी छिन् । जसका कारण नेपाली सेना, नेपाल प्रहरी, सशस्त्र प्रहरी, गुप्तचर विभागबाट खटिने कर्मचारी र ट्राफिक प्रहरी समेत अनावश्यक रुपमा परिचालन हुने गरेको छ । जसको प्रत्यक्ष प्रभाव मुलुक र सर्वसाधारण जनताको जीउधनको सुरक्षामा देखिन थालेको छ ।

नेपाल र बेलायतबीच चिसिएको सम्वन्ध सुधार्दै ह्यारी

काठमाडौं । नेपाल र बेलायतबीच पछिल्लो समयमा विग्रिएको सम्वन्ध सुधार्न बेलायती राजकुमार ह्यारीको नेपाल भ्रमण महत्वपूर्ण सुत्र सावित हुन थालेको छ । नेपाली सेनाका कर्णेल कुमार लामालाई मानवअधिकार हनन् गरेको आरोपमा बेलायतमा पक्राउ गरी मुद्दा चलाएपछि विग्रिएको सम्वन्ध सुधार्न नेपाल सरकारलाई समेत मौका मिलेको हो । नेपाल सरकारले कूटनीतिक च्यानलमार्फत कर्णेल लामालाई छाड्न गरिएको आग्रह बेलायत सरकारले २ सय बर्ष पुरानो सम्वन्धलाई वेवास्ता गर्दै नमानेपछि नेपाल र बेलायतबीचको सम्वन्ध चिसिएको थियो । साथै नेपाल भ्रमणमा रहेका राजकुमार ह्यारीले नेपाल बसाईंका क्रममा सामाजिक काममार्फत समग्र नेपालीको ध्यान समेत आफूमा केन्द्रीत गर्न सफल भए।

चलायमान बन्दै ब्यूरो

काठमाडौं । नेपाल प्रहरीको भावी आईजीपीका रुपमा चित्रण गरिएका डीआईजी नवराज सिलवाल केन्द्रीय अनुसन्धान ब्यूरो (सीआईबी) मा आएसँगै ब्यूरो फेरि चलायमान भएको छ । ब्यूरो प्रमुख बनेर आउने वित्तिकै नक्कली प्रमाणपत्रधारी एमबीबीएस चिकित्सकलाई पक्राउ गर्ने अभियान ‘अपरेशन क्वाक’ चलाएका डीआईजी सिलवालले हरेक मुद्दामा सफलता पाउन थालेका छन् । केहिदिन पहिले पनि उक्त अपरेशन अन्तर्गत नक्कली प्रमाणपत्र पेश गरेर एमबीबीएस अध्ययनपश्यात चिकित्सा पेशा अपनाउन मेडिकल काउन्सिलमा चिकित्सक दर्ता प्रमाणपत्र परिक्षा दिन आएका राजीवकुमार झा र पृथ्वीनारायण यावदलाई पक्राउ गर्न ब्यूरो सफल भएको थियो ।यसअघि पनि उक्त अपरेशनमार्फत ब्यूरोले एक दर्जन बढि ब्यक्तिलाई पक्राउ गरी मुद्दा चलाइसकेको छ ।

पोखरा सभागृह तत्काल नचलाउन आदेश

कमल पौडेल अथक /  पोखरा । पुनरावेदन अदालत पोखराले तत्काल पोखरा सभागृह नचलाउन सम्वन्धित पक्षका नाममा अन्तरिम आदेश जारी गरेको छ । अदालतले विपक्षी पोखरा उपमहानगरपालिका कार्यालय, पोखरा उपत्यका नगरविकास समिति र वीपीएस मेनेजमेन्ट कम्पनीवीच भएको सम्झौता विरुद्धको रिटमाथि सोमवार सुनुवाई गर्दै आदेश जारी गरेको हो । पोखरा सभागृहलाई सार्वजनिक निजी साझेदारी पीपीपी मोडेल अनुसार ठेक्का दिने सम्झौता तत्काल यथास्थितिमा राख्न अदालतले भनेको छ । पुनरावेदन अदालत पोखराका न्यायाधीशद्धय सत्यराज गुरुङ र द्धारिकामान जोशीको संयुक्त इजलासले सो आदेश दिएपछि विवादित ठेक्का प्रकरण तत्कालको लागि स्थगित भएको छ ।

ल्यारक्यालमाथि विदेशी महिलालाई र्दुव्यवहार मुद्दा पनि

काठमाडौं । ईन्भेष्टमेन्ट बैंकको लकरमा गोली भेटिएपछि पक्राउ परेका पूर्व सभासद् तथा पूर्व अर्थराज्यमन्त्री ल्यारक्याल लामाको एकपछि अर्को नयाँ पोल खुल्नेक्रम जारी रहेको छ । पैसाकै बलमा सभासद् र अर्थराज्यमन्त्री समेत बन्न सफल भएका लामाले वैदेशिक रोजगारीमा ठगी गरेको आरोप सार्वजनिक भएलगत्तै अर्को काण्ड फेला परेको हो । लामाले लौनचौर मनमोहन अस्पताल जाने बाटोमा रहेको आफ्नो होटलमा विदेशी एक जना महिलालाई हातपात र र्दुव्यवहार गरेको भन्दै महानगरीय प्रहरी बृत्त लौनचौरमा केहि बर्ष पहिला उजुरी परेको थियो । उजुरी गर्ने ति महिला फ्रेन्स नागरिक हुन् ।

आईजीपी अर्यालको भ्रष्टाचारविरुद्ध लेखा समितिमा उजुरी

काठमाडौं । नेपाल प्रहरीको विभिन्न सामान खरिद प्रकरणमा करोडौं घोटला भएको भन्दै उजुरी परेको छ । प्रहरीको सामान खरिदमा भएको भ्रष्टाचार छानविन गरी दोषीउपर कारवाही गरिपाउँ भन्दै एक साताअघि संसदको सार्वजनिक लेखा समितिमा उजुरी परेको हो ।
नेपाल प्रहरीका प्रमुख प्रहरी महानिरीक्षक उपेन्द्रकान्त अर्याल, प्रहरी प्रधान कार्यालय नक्सालका तत्कालिन प्रशासन विभाग प्रमुख एआईजी वीरेन्द्रबाबु श्रेष्ठ र हालका प्रशासन विभाग प्रमुख एआईजी रमेशशेखर वज्राचार्यलगायतको मिलेमतोमा सो अनियमितता भएको उजुरीमा दावी गरिएको छ । प्रहरी संगठनमा कार्यरत कर्मचारीहरुकै दैनिक उपभोग्य तथा लत्ताकपडालगायतका वस्तु खरिद गर्दा ठेकेदारको आर्थिक प्रलोभनमा परी सो अनियमितता गरिएको हो । सार्वजनिक खरिद ऐन २०६३ का प्रावधानलाई नजरअन्दाज गर्दै अत्यधिक मूल्यमा सामान खरिदको निर्णय गरेको उजुरीमा दावी गरिएको छ ।

यसरी लैजादैं छन् डन विदेशमा अवैध सम्पत्ति

काठमाडौं । नेपाल प्रहरीको केन्द्रीय अनुसन्धान ब्यूरो (सीआईबी) को अनुसन्धानपछि सम्पत्ति शुद्धीकरण विभागले कुख्यात पाँच जना डनविरुद्ध विशेष अदालतमा मुद्धा दायर गर्‍यो । उक्त घटनापछि अन्य डनहरुको पनि अवैध सम्पत्ति छानविन हुने विश्वास लिइएको थियो । सम्पत्ति शुद्धीकरणको मुद्धा विशेष अदालतमा पेश हुनु त परको कुरा, अहिलेसम्म पहिलो, दोस्रो र तेस्रो श्रेणीमा परेका कथित डनका अवैध सम्पत्तिमाथि छानविन भएको छैन् । जसका कारण नेपालमा अवैध काम गरेर कमाएका कालोधन पछिल्लो समयमा अधिकांश डनहरुले विदेश लैजाने क्रम बढेको छ । नेपालमा डनको उपाधी पाएका एक दर्जन भन्दा गुण्डाहरुले त विदेशमै ब्यापार, ब्यवसाय सुरुवात गरिसकेको स्रोत बताउँछ । नेपाल प्रहरीको खोजी सूचीमा परेका अधिकांशले अहिले छिमेकी मुलुक भारत, श्रीलंका बाहेक अष्ट्रेलिया, दुवई, जापान, यूकेलगायतका मुलुकमा व्यवसाय गरिरहेका छन् ।