कहिले पक्राउ पर्छन् डन घैंटे र उनका सारथी आइजीपी सा'व ?

काठमाडौं । राजधानीका प्रायजसो डनहरु गुण्डागर्दी छाडेर ब्यापार, ब्यबसाय हुँदै राजनीतिमा सक्रिय हुन थालेका छन् । गुण्डाका नाईके भनेर चिनिएका कुमार श्रेष्ठ ‘घैंटे’ भने आफ्ना सहयोगी परिचालन गरी असुली धन्दामा सक्रिय भएका छन् । यसको साथसाथै घैंटे आफ्ना दुश्मनको सफाया गर रणनीति अनुसार गुण्डागर्दीको क्षेत्रसमेत बिस्तार गर्न लागेको उनको पछिल्लो हर्कदबाट प्रष्ट भएको छ । आफूलाई गोली हान्न सक्ने क्षमता भएका डनद्धय रमेश बाहुनको जेल चलान र दिनेश अधिकारी उर्फ ‘चरी’ को प्रहरीको फेक इन्काउण्टरमा मृत्यु भएपछि उनी अहिले निर्धक्क भएर गुण्डागर्दीमा लागेका छन् । घैंटेले बाफल क्षेत्रका गुण्डाका नाईके समिरमानसिंह बस्नेत, सामाखुसिका सानो भाई र चाबहिलका प्रतिक श्रेष्ठ उर्फ हवल्दार, मनराज गुरुङ, प्रवेशमान श्रेष्ठ, गोकुल शिवाकोटीलाई प्रयोग गर्दै हप्ता असुली, ठेक्कापट्टा कब्जा र आफूबिरुद्ध जाइलाग्नेलाई खुकुरी हान्न प्रयोग गर्न थालेका छन् ।

विरामी भन्दै छिमेकी भेट्न सटुक्क दिल्लीमा

काठमाडौं । नेकपा एमालेका अध्यक्ष केपी ओली केही समयअघि मात्र सिंगापुरमा उपचार गरेर फर्किएको बताइएको थियो । थाइल्याण्डमा साच्चैको उपचार गराएका ओली सिंगापुरमा उपचार मात्र नभएर छिमेकी मुलुक भारतका अधिकारीहरुसाग भेट गरेर आएको बुझिएको छ । यता, सरकार फेर्ने विषयमा बहस चलाउन थालेको एमाले ओलीको नेतृत्वमा नयां सरकारमा जान खुट्टा उचालेर बसेको छ । उसले त्यसका लागि आन्तरिक तयारी थालिसकेको छ । नेपाली सरकारमा भारतको हस्तक्षेप हुने भएकैले पनि सरकार कसरी बनाउने भन्ने सन्दर्भमा अर्को छलफल गर्न ओली नयाा दिल्ली जाने तयारीमा छन् । उनले दिल्लीमा पनि स्वास्थ्य जचाउने भनिएपनि त्यहां भारतीय अधिकारीहरुसाग भेट्ने प्रबन्ध मिलाइएको समाचार स्रोतले जनाएको छ ।

‘थमौति पत्र नपाए सैनिक ‘कू’ हुने थियो’

काठमाडौं । पूर्व प्रधानसेनापति रुक्माङ्गत कटवालले राष्ट्रपति रामवरण यादवलाई धम्कीपूर्ण सन्देश पठाएर थमौति गर्न सफल भएको रहस्य आफ्नै किताब ‘रुकमाङ्ग कटवाल’ आत्मकथामार्फत रहस्य खोलेका छन् । त्यसो नभएको भए सैनिक ‘कू’ कै तयारी गरिसकेका कटुवालले आधा घन्टा ढिलो वा पत्र शितलनिवासबाट नआएको भए मुलुकमा सैनिक ‘कू’ गर्ने थिए । यतिखेर, पूर्व प्रधानसेनापति कटवालको आत्मकथा चर्चासँगै विवादमा समेत तानिएको छ । प्रधानसेनापति प्रकरणमा तत्कालिन प्रधानमन्त्री पुष्पकमल दाहाल प्रचण्डले गरेको निर्णयको सहमति/असहमतिका लागि शितलनिवासमा २० वैशाख २०६६ मा बसेको १८ दलको वैठक निर्णयमा पुग्न सकिरहेको थिएन । माओवादी बाहेकको त्यो वैठकमा दलहरु प्रधानसेनापति प्रकरणबारे विभाजित थिए । कोही प्रधानमन्त्रीको निर्णय सही भनिरहेका थिए भने कोही गलत भनेर विवाद गरिरहेका थिए । यता, कायममुकायम प्रधानसेनापतिको पत्र पाइसकेका कुलबहादुर खड्का बाहेकका पांचै पृतनाका तत्कालिन पृतनापतिसहितका जर्नेलहरुसाग कटुवाल राष्ट्रपति कार्यालयमा भएको वैठकको निर्णयको पर्खाइमा थिए ।

एमाओवादीमा कमिटमेन्ट एउटा, सर्कुलर अर्को

काठमाडौं । पर्सा, धनुषा, चितवन, गोरखापछि दाङमा एकीकृत नेकपा माओवादीका दुई जिल्ला समितिहरु गठन भइसकेका छन् । केही दिनमा कास्कीमा पनि घोषणाको तयारी भएको छ । एक पटक विभाजन भइसकेको एमाओवादी फेरि पनि विभाजनको अन्तिम तयारीमा पुगेको छ । पार्टीभित्र एकले अर्काको अस्तित्व स्वीकार नगर्ने स्कुलिङले समस्याको चक्रव्युहमा रुमल्लिएको एमाओवादीका नेताहरुले उक्त विभाजनलाई रोक्न सकेका छैनन् । एक पक्षले गरेको कामको अर्को पक्षले विरोध गर्ने र कारवाहीमा नै जाने निर्णयले विस्तारै विभाजनको संघारतिर एमाओवादी पुगिसकेको छ । गत आइतबार सााझ यहि समस्याका बारेमा एमाओवादी अध्यक्ष पुष्पकमल दाहाल प्रचण्ड, नेता डा. बाबुराम भट्टराईलगायतको वैठकले एकअर्काले चलाएको कारवाही र विभाजनको क्रम रोक्ने सहमति गरेपनि एमाओवादीमा यो लहर नरोकिने भएको छ ।

आईजीपी अर्याल कलंक बन्ने कि निश्कलंक ?

काठमाडौं । नेपाल प्रहरीमा नौ महिनादेखि रिक्त एआईजीहरुको पदपूर्ति हुन नदिन आईजीपी उपेन्द्रकान्त अर्याल नै सक्रिय रहेको आरोप लाग्न थालेको छ । व्रिफकेश काण्डलाई विवाद बनाएर बढुवा भाड्न आईजीपी अर्याल सक्रिय थिए भने अहिले सिँचाई मन्त्री एनपी साउदको दाजु डीआईजी केदार साउद र एमालको सिफारिसमा परेका डीआईजी रमेशशेखर बज्राचार्यका कारण बढुवा हुन नसकेको भन्दै विवाद मोडेर दोष जति प्रधानमन्त्री र गृहमन्त्रीलाई थोपर्न आईजीपी अर्याल सक्रिय छन् । स्रोत भन्छ,‘प्रहरीको नियमावली अनुसार पुनरावलोकन समितिले सिफारिस गरेको नाम अनुसार बढुवा हुनुपर्छ भन्ने अडान आईजीपी अर्यालले लिएको खण्डमा कुनै पनि मन्त्रीले बढुवा बदर गर्न वा बढुवा नै नगर्ने आँट गर्न सक्दैनन । किनकी प्रहरी नियमावलीमा नै स्पष्ट अधिकार उजुरी छानविन गर्ने समितिलाई दिइएको छ । र, यो नियमावली पनि आईजीपी अर्यालको ईच्छामा आएको हो ।’

कुख्यात डन चक्रेको फेरि उठौंती धन्दा यथाबत

काठमाडौं । राजधानीका कुख्यात डन दिनेश अधिकारी उर्फ ‘चरी’को रहस्यमय हत्याकाण्ड (प्रहरीको इन्काउण्टर) सेलाउन नपाउँदै कुख्यात डन मिलन गुरुङ उर्फ ‘चक्रे मिलन’को उठौंती ब्यापक हुन थालेको छ । स्रोतका अनुसार ‘चक्रे मिलन’ले राजधानी र राजधानीबाहिर समेत चन्दा आतंक तथा असुली धन्दा सुरु गरेका छन् । विभिन्न ब्यापारीलाई धम्क्याउने तथा असुली गर्ने क्रममा केही दिन पहिले ईटहरीमा चक्रे मिलनले एक निर्माण ब्यवसायीलाई रडले हानेर घाईत बनाएको ब्यापक हल्ला चलेको छ । यद्यपी, रड खाने ब्यापारी को थिए र घटना कहिले भएको हो ? भन्ने कुरा भने बाहिर आएको छैन । स्रोतका अनुसार टेण्डरको कमिशन ढिला ल्याएको भन्दै चक्रेले ति निर्माण ब्यवसायीमाथि आक्रमण गरेका थिए  ।

चरीमाथि गोली हान्नेलाई थुन्न अदालतको आदेश

ललितपुर । प्रहरीको ईन्काउण्टरमा मारिएका दिनेश अधिकारी उर्फ ‘चरी’लाई गत बर्ष गोली प्रहार गर्ने राधे भण्डारी र समिरमान बस्नेतलाई पुनरावेदन अदालत पाटनले थुनामा राख्न आदेश दिएको छ । पुनरावेदन अदालतले ज्यानमार्ने उद्देश्यले गोली प्रहार भएको भन्दै थुनामा राख्ने आदेश दिएको हो । तर, भण्डारी र बस्नेतलाई सो अभियोगमा जिल्ला अदालत काठमाडौंले घरौंटीमा छाडेको थियो । जिल्ला अदालत काठमाडौंले घरौंटीमा छाड्न दिएको आदेशविरुद्ध सरकारी वकिल कार्यालयले पुनरावेदन अदालत गएको थियो । पुनरावेदन अदालतले जिल्लाको आदेश बदर गर्दै थुनामा राखेर मुद्दा पुर्पक्ष गर्न गत महिना आदेश दिएको थियो । ०७० असार २१ मा धादिङबाट राजधानी फर्किने क्रममा चरीमाथि बाफलका गुण्डा समिरमान बस्नेत र राधेको समूहले ज्यानमार्ने उद्देश्यसहित गोली प्रहार गरेको थियो ।

एकलाई इन्काउण्टर, अर्कोलाई चौतारी

मोरङ । राजधानीमा कुख्यात डन दिनेश अधिकारी उर्फ ‘चरी’लाई प्रहरीले इन्काउण्टर गरेकै दिन पक्राउ परेका अर्का कुख्यात डन अभिषेक गिरीको पक्राउले भने त्यति चर्चा कमाउन सकेन् । जसरी नेकपा एमालेमा आवद्ध रहेर चरीले डनगिरी चलाईरहेका थिए, त्यसरी नै नेपाल काँग्रेसँग आवद्ध भएर कुख्यात डन अभिषेक गिरीले पूर्वमा डनगिरी गरिरहेका थिए ।  फरक यतिमात्र थियो कि अभिषेकलाई प्रहरीले संगिन अपराधमा पक्राउ गरेर मुद्दा चलायो भने त्यस्तै प्रकृतिको अपराधमा चरीलाई इन्काउण्टर गरे ।  सम्पत्ति शुद्धीकरण मुद्दामा तारिख खेपिरहेका पूर्वका अर्का डन अभिषेक पुन: पक्राउ परेका छन् । केटीको प्रयोग गरी अपहरण तथा शरिर बन्धक बनाएर रकम असुलेको आरोपमा गिरीलाई महानगरीय प्रहरी परिसर ललितपुर प्रहरीले पक्राउ गरेको हो । उनले काठमाडौं जिल्ला महादेब गाविस वडा नं. ४ थानकोट बस्ने अच्युतप्रसाद रेग्मीलाई साउन १४ गते अपहरण गरेर रकम असुली गरेपछि पक्राउ गरेको प्रहरी जनाएको छ ।

गाडीभित्रै पूर्व सुन्दरीले जोशमा होस गुमाउँदा......

काठमाडौं । जवानीमा हल्काफुल्का जोश हुनु सामान्य हो । तर, सेलिब्रेटी भइसकेपछि जवानीलाई ठिक ठाँउमा विसाउन पनि जान्नु पर्छ । उम्लिएको जवानी ठीक ठाँउमा विसाउन नसक्दा कान्तिपुर टेलिभिजनका दुई मनोरञ्जन कार्यक्रम प्रस्तोता जोडी प्रहरी फन्दामा मात्र परेनन्,उनीहरुले त्यही लाजले जागिर नै छाड्नुपरेको छ ।  अचेल कान्तिपुर टिभीमा जोशमा होस गुमाउँदाको कहानी हिन्दी फिल्मकाृ कहानी घरघरकी जस्तै चर्चित बनेको छ ।  कान्तिपुर टेलिभिजनको कल कान्तिपुरलगायत मनोरञ्जनात्मक कार्यक्रम प्रस्तोता सुरज गिरी र  सहना बज्राचार्य केही दिनअघि चितवनको एक सडकमा गाडीभित्रै जवानी विसाइरहेका बेला प्रहरीकाृ पेट्रोलिङ टोलीको फन्दामा परे । घटना राति ३ बजेतिरको थियो ।  सुरजको नीजि गाडीमा उनीहरु आपसमा जोडिएको अवस्थामा भेटिएका थिए । 

जतादेख्यो माल, त्यतै थापिन्छ जाल

काठमाडौं । राष्ट्रिय अनुसन्धान विभागका प्रमुख आईजीपी मोती गुरुङको कार्यकाल नसकिँदै विभाग प्रमुख बनाइएका जितबहादुर केसीको कार्य क्षमतामाथि नै प्रश्नचिन्ह उठेको छ । गुप्तचर विभागमा नेपाल प्रहरी वा सशस्त्र प्रहरीबाट प्रमुख बनाउने गृहकार्य चलिरहेकै बेला हतारहतार केसीलाई विभागको प्रमुख बनाइएको थियो । केसीलाई प्रमुख बनाइएपछि पनि राम्रो काम हुन नसकेको, आफूमातहतलाई परिचालन गर्न नसकेको, राम्रो काम गर्ने भन्दा चाकडी र गुलामी गर्नेलाई धमाधम सुगम र राम्रो ठाँउमा पठाउन थालिएको भन्दै विभागभित्रै उनको आलोचना हुन थालेको हो । उता गुप्तचर विभागमा रिक्त दुई एआईजी पदका लागि बढुवाको चलखेल सुरु भएको छ । रिक्त दुई एआईजी पदका लागि पाँच जना डीआईजी प्रतिस्पर्धामा रहेका छन् ।

डन चरी मारिए, अर्का प्रेमिकासहित पक्राउ

काठमाडौं । प्रहरीको भिडन्तमा गुण्डाका नाईके दिनेश अधिकारी उर्फ चरी मारिएका छन् भने ब्यापारिलाई अपहरण गरी फिरौंती असुलेको भन्दै अर्का डन अभिषेक गिरी आफ्नो प्रमेकासहित  पक्राउ परेका छन् । काठमाडौं उपत्यका खानेपानी लिमिटेडका लेखा सहायक अच्यूत प्रसाद रेग्मीलाई युवतीको प्रयोग गरी अपहरण गरेर फिरौती असुलेको आरोपमा  गिरी पक्राउ परेका हुन् ।

डन गोर्खाली पनि सुन तस्करीमा !

काठमाडौ। राजधानीमा गुमनाम तरिकाले जीवन बिताईरहेका एक ताकाका कुख्यात गुण्डा राजु गोर्खाली भित्रभित्रै सुन तस्करीमा लागेको रहस्य खुलेको छ ।  गत बिहीवार अन्तर्राष्ट्रिय बिमानस्थलमा ९ सय ९९ ग्राम सुनसहित पक्राउ परेका भारतीय नागरिक गोविन्द मिश्रलाई धरौटीमा छुटाउन गोर्खाली सक्रिय भएपछि सुन तस्करीमा गोर्खालीको संलग्नता खुलेको हो । स्रोतका अनसार महानगरीय प्रहरी आयुक्त कार्यालयमा डीआईजी बिज्ञानराज शर्माको सरुवा भएपछि गुण्डा गोर्खालीले भारतीय सुन तस्करबाट सेटिङ मिलाउने जिम्मेवारी पाएका थिए । गोर्खाली र डीआईजी शर्मा पहिलेदेखि नै ब्यवसायीक साझेदारीमा काम गर्ने भएका कारण अन्तर्राष्ट्रिय बिमानस्थलमा समेत उनैको पहलमा सेटिङ मिलाइएको हो । भारतीय सुन तस्कर र गोर्खालीको समूहले ल्याएको उक्त सुन गत साता बिमानस्थल भन्सारले पक्राउ गरेको थियो । अहिले सुन तस्करी गर्दै गर्दा पक्राउ परेका तिनै सुन तस्करका भरियालाई छुटाउन गोर्खाली ज्यान फालेर लागेका छन् ।

आखिर के चाहान्छन् मोदी ?

रोशन पाण्डे / काठमाडौं । भारतीय कांग्रेस सत्ताले विगारेको छिमेकी मुलुकसागको सम्बन्ध सुधारको बाटोमा उक्लिएका छन्, भारतीय प्रधानमन्त्री नरेन्द्र मोदी । सार्कका राष्ट्रहरुसाग सम्बन्ध जोड्नका लागि आफ्नो शपथ कार्यक्रममा निम्तो दिएर आठै देशका सरकार र राष्ट्रप्रमुखसाग साझेदारी सम्बन्ध कायम राख्ने सुरुआत गरेका मोदीले सार्कबाट नै आफ्नो विदेश भ्रमण सुरु गरेका थिए । अझ, उनको सार्कमा पनि नेपालसागको सम्बन्धलाई विशेष चासोका रुपमा हेरिएको थियो । भुटानको संसदमा पनि नेपालको चर्चा गरेका मोदी लगत्तै आइतबार नेपालमा उत्रिए । र, उनले नेपालमा आफ्नो जादुको वर्षा गरेर सवैलाई एकैतिर केन्द्रित बनाए ।

मोदी मुडमा मुलुक, विपत्तिमा रमिते सरकार

काठमाडौं । साउथ एसियाकै प्रभावशाली भारतीय प्रधानमन्त्री नरेन्द्र मोदीको नेपाल भ्रमणलाई विशेष प्राथमिकता दिने नाममा सरकारले मुलुकमाथि परेको संकटलाई भने नजरअन्दाज गरेको छ । सुनकोसीको पहाडै खसेर आएको पहिरोमा परी तीन दर्जन भन्दा बढीको मृत्यु भइसकेको छ भने एक सय ५५ जनाभन्दा बढी बेपत्ता भइरहेका छन् । भारतीय प्रधानमन्त्री मोदीले संसदमा दिएको मन्त्रमुग्ध भाषणका कारण मुलुकमाथि परेको विपत्ती नै सरकारले भुलेको छ । अधिकांश सभासद्हरु मोदीको शब्दशब्दमा तालि बजार्न संविधानसभामा ब्यस्त देखिए । उता प्राकृतिक प्रकोपमा परि बेपत्ता भएका सयौं नागरिकहरुको खोजी गर्नु त परैजाओस् विपतमा परेका नागरिकहरुलाई राहत समेत उपलब्ध गराउन सकेको छैन् ।

मिस टिनको उपाधि खोटाङकी ज्योतिलाई

काठमाडौं । खोटाङकी १७ वर्षीया ज्योति क्षेत्रीले ‘मिस टिन आइडल २०१४’ को उपाधि चुम्न सफल भएकी छन् । २२ प्रतिष्पर्धीलाई पछि पार्दै ज्योतिले उपाधि चुमेकी हुन् । उपाधिसँगै ज्योतिले २५ हजार रुपैयाँ पुरस्कार समेत हात पारिन् । एक्सन इन्टरटेन्मेन्ट प्रालीको आयोजनामा शुक्रबार साँझ राजधानीमा आयोजित प्रतियोगितामा काभ्रेकी १७ वर्षीया साइरिला श्रेष्ठ फष्ट रनरअपर र र वीरगञ्जकी १८ वर्षीया प्रियंका मानन्धर सेकेन्ड रनरअप घोषित भएका थिए । यी दुबैले उपाधिका साथमा बिभिन्न उपहार पनि प्राप्त गरका छन् ।